Семейде шыршаны безендіруге келген мұғалім биіктен құлады

Семейде жаңа жылдық шыршаны безендіруге қатысқан мұғалім биіктіктен құлап, жарақат алды, деп хабарлайды Orda.kz.

Оқиға туралы білім министрі Ғани Бейсембаев өзінің  Facebook парақшасында айтты.

Ведомство басшысы мұндай іс-шаралар «Мұғалімдерді кәсіби қызметімен байланысты емес жұмыстарға тартуға тыйым салатын» педагог мәртебесі туралы ҚР Заңына үзілді-кесілді қайшы келетінін атап өтті.

Экс-министр Асхат Аймағамбетов те оқиғаға  қатысты пікірін білдірді.

«Педагог мәртебесі туралы» заңның 6-бабында нақты көрсетілген: мұғалімдерді кәсіби міндеттеріне жатпайтын жұмыстарға тартуға қатаң тыйым салынады. Жаңа жылдық шырша орнату, көше тазалау, басқа да науқандарға мәжбүрлеп тарту сияқты ескі «дәстүрлерден» біржола бас тартуымыз керек. Бұл – заңды өрескел бұзу. Қуат Айтқалиевтің отбасына шын жүректен қолдау білдіремін және оған тезірек сауығып кетуін тілеймін», деп жазды министр.

Ол зардап шеккен мұғалімге қажетті медициналық көмек көрсетілетінін және жағдайдың өзі «ерекше бақылауда» екенін айтты.

Кейбір мәліметтерге сәйкес, мұғалім шыршаға әшекейлер іліп жатқан кезде биіктіктен құлап жарақат алған. Бұл нақты қай жерде болғаны мектепте немесе көшеде болғаны нақтыланбаған.