Семейде полиция ғимаратының алдында үш жігіт бір адамды ұрып-соғып, пышақтап кетті

Семей облысында жантүршігерлік оқиға болды. Полиция ғимаратынан бірнеше метр жерде 3 ер адам бір адамға жабылып соққыға жықты, деп хабарлайды Orda.kz.

3 жігіттің біреуінде пышақ болған. Үшеуі бірдей жабылып жатқан сәтте ол пышағын алып әлгі адамның бірнеше жеріне сұғып алады.

Айдың күннің аманында, полиция ғимаратының алдында ер адамды осылайша пышақтап кетті. Жұрттың көзінше төбелесіп жатқан еркектерді куәгерлердің бірі бейнекамераға түсіріп, әлеуметтік желіге салған. Желі қолданушылары бірде-бір адамның келіп араша түспегеніне наразы болып, оқиғаны талқылап жатыр.

Абай облысының полиция департаменті болған оқиға жайлы пікір білдіруден бас тартты.

Еске сала кетейік, Оралда әйел 5 жасар баласын күйеуінің аяусыз сабағанын мәлімдеді.