Семейде көпірдің қоршауы құлады

Семейде қатты желдің салдарынан көпірдің 15 метр болатын қоршауы құлап түсті, деп хабарлайды Orda.kz порталы.

Әзірге бұл бағытта жаяу жүргіншілерге арналған жолдың жабылғаны расталды.

«Бұл жер ескерту таспаларымен қоршалып, жаяу жүргіншілер үшін оң жақ жағалау бағытындағы жол жабылды. Жүргізушілер үшін көлік қозғалысы (төрт жолақ) ашық. Қоршауларды қалпына келтіру жұмыстары жүргізіліп жатыр», - деді басқарма басшысының міндетін атқарушы Әділбек Уәсілов.

Семей қаласы әкімдігің мәліметіне сүйенсек, құлаған қоршаулар оптикалық байланыс желілерін зақымдап, сол жақ жағалау тұрғындарын интернетсіз қалдырған.

«Семей қаласы әкімдігі апат салдарынан «Қазақтелеком» АҚ-ның оптикалық байланыс желілері зақымданғандықтан интернетке қосылу әзірге мүмкін емес. Жақын арада интернет жұмысы қалпына келтіріледі» делінген хабарламада.