Щучинскте ресейлік әйел суықтан қаза тапты

Жоғалып кетер алдында жас әйел жігітіне телефон соғып, ыстық су дайындап қоюын өтінген.

Ақмола облысының Бурабай ауданында оғаш оқиға болды. 27 жастағы ресейлік Татьяна Михайлова соңғы екі жылдан бері Шортандыда жігітімен бірге тұрып жатыр.

10 наурыз күні түстен кейін ол қаңғыбас иттерді тамақтандыруға кеткен. Ал 11 наурыз күні таңертең оның мәйіті «Балдәурен» лагері бағытында шлагбаум жанынан табылды.

Жігітінің айтуынша, Татьяна кешкі сағат 19.00-де телефон соғып, қатты тоңғанын, оған ыстық ванна дайындап беруін өтінген. Қыз жақында үйге келетінін айтқан. Алайда одан кейін байланыс болмаған.

Полиция оның қазақсына алдын ала гипотермия себеп болғанын хабарлады.

«Мәйітті алғашқы қарау кезінде дене жарақаттары табылмады, сот-медициналық сараптама тағайындалды. Сараптама қорытындысы бойынша соңғы процессуалдық шешім қабылданады» деп толықтырды Ақмола облысының полиция департаменті.