Щучинскідегі жарылыс: Дәрігерлер зардап шеккендердің жағдайын баяндады

Щучинскідегі мейрамханада болған жарылыстан зардап шеккендерге тәулік бойы медициналық көмек көрсетілуде, деп хабарлайды Orda.kz. 

Ақмола облыстық денсаулық сақтау басқармасының басшысы Нариман Ермектің айтуынша, «Авиценна — Бурабай» ауруханасында төрт науқас ем қабылдап жатыр. Олардың барлығының жағдайы ауыр.

Қалған науқастар көпсалалы өңірлік ауруханаға жеткізілген. Дәрігерлер олардың жағдайын ауыр, бірақ тұрақты деп бағалады. Олардың ішінде төрт пациентке өкпені жасанды желдету аппараты қосылған. Ал екеуі аса ауыр жағдайда. Өңірге Астанадан мамандар, соның ішінде анестезиолог-реаниматологтар келген.

Нариман Ермек барлық қажетті дәрі-дәрмек пен медициналық құралдар жеткілікті екенін мәлімдеді. 

Айта кетейік, Щучинск қаласында дәмханалардың бірінде жарылыс болып, артынша өрт шықты. Салдарынан жеті адам қаза тауып, тағы жиырма адам жарақат алған еді. 

Оқи отырыңыз: 

• Щучинск қаласындағы жарылыстан қаза тапқандардың отбасыларына 4 млн теңгеден төленді
• Щучинскідегі 7 адамның өмірін жалмаған өртке қатысты қылмыстық іс қозғалды