Щучинскідегі 7 адамның өмірін жалмаған өртке қатысты қылмыстық іс қозғалды

Щучинск қаласындағы «Палау орталығы» кафесінде болған жарылысқа қатысты  Ақмола облыстық Төтенше жағдайлар департаменті тағы бір жедел ақпарат таратты, деп хабарлайды Orda.kz.  

Соңғы мәліметтерге сәйкес оқиға салдарынан 10 адам құтқарылды. 28 адам зардап шекті, олардың 13-і ауруханаға жатқызылды, 8-і медициналық көмек көрсетілгеннен кейін үйлеріне жіберілді. 7 адам қайтыс болды.

Зардап шеккендерге барлық қажетті медициналық көмек көрсетілуде. Олардың жағдайы медициналық қызметтердің бақылауында.

Өрт сөндірушілердің жедел әрекеті нәтижесінде жанып жатқан дәмханадан көлемі әрқайсысы 50 литр болатын 5 газ баллоны және 2 оттегі баллоны шығарылып, ғимарат ішінде жарылыстың қайталануының алдын алды.

Оқиғаның себептері мен мән-жайы анықталуда.

Ақмола облысы Төтенше жағдайлар департаментінің жанынан жедел желі ашылды: 8 (7162) 51-42-98.

Өрт фактісі бойынша қылмыстық іс қозғалды. Қажетті тергеу әрекеттері жүргізілуде.

Оқиғаға қатысты ұсынамыз:

• Щучинскідегі өрттен 7 адам қаза тауып, 20-сы зардап шекті
• Ақмола облысындағы дәмханада жарылыс болды: Қаза тапқандар бар