«Ресейдің ықпалынан арылу керек»: Зеленский жаңа жобасы туралы мәлімдеді

Украина президенті Владимир Зеленский 23 шілдеге қараған түні бейнеүндеу жариялап, НАБУ (жемқорлыққа қарсы бюро) мен САП (жемқорлыққа қарсы прокуратура) жұмысын жалғастыратынын мәлімдеді, деп хабарлайды Orda.kz.

Ол үндеуінде НАБУ мен САП жұмысын шектейтін заңға не үшін қол қойғанын айтпады және елдегі наразылықтарға қатысты түсініктеме бермеді.

«Біз бәрін талқыладық. Жемқорлыққа қарсы инфрақұрылым жұмыс істейді. Тек Ресейдің ықпалынсыз жұмыс істейді», – деді Владимир Зеленский өз үндеуінде. 

Айта кетейік, Украина президенті көпшілік «жемқорлыққа қарсы күрес органдарының тәуелсіздігін шектейтін заң» деп сынаған заң жобасына қол қойған болатын. Оған Киев, Одесса, Львов қалаларында жүздеген адам заң жобасына қарсы болып, наразылық акциясын өткізген.

Еске сала кетейік, Астананың қылмыстық істер жөніндегі ауданаралық сотында Перизат Қайраттың соты жалғасып жатыр. Бүгін, 23 шілде күні судьядан жәбірленуші тарап айыпталушылардың біріне жеңіл жаза қолдануын сұрады.