Ресей Украинадағы соғысқа Непалдың 15 мың адамын жалдады

Ресей қорғаныс министрлігі Украинаға қарсы соғысқа Непалдың 15 мың азаматын жалдады деп хабарлайды, Orda.kz порталы CNN-ге сілтеме жасап.

Непалдың бұрынғы сыртқы істер министрі  Бимала Рай Паудиял бұл күнде майдан шебінде 15 мың непалдықтар соғысып жатқанын мәлімдеді.

CNN мәліметтері бойынша, Ресей әскері қатарына өткісі келетін Непал азаматтары елге туристік визамен кіреді, ал Ресей үкіметі оларға ай сайын 2000 доллар жалақы және Ресей азаматтығын жедел ресімдеуді ұсынады.

Непал билігі Ресейде 200 шақты азамат кеткенін мәлімдеді және олардың кем дегенде 13-і қаза тауып, 100-ге жуығы хабарсыз кеткен. Тағы 4-еуі Украинада тұтқынға түсті деген ақпарат бар.

Ресей ФСБ мәліметтері бойынша, 2022 жылы Ресей Федерациясына 72 непалдық турист келді, 2023 жылы – 1 039.

Негізгі бөлігі 2023 жылдың төртінші тоқсанында келді — үш айда 700-ден астам адам қосылды. 2023 жылдың желтоқсанында Непал Ресейден өз азаматтарын соғысқа шақыруды тоқтатуды сұраған болатын. Содан кейін елдің сыртқы істер министрлігі Украинадағы соғыста алты непалдық қаза тапты деп мәлімдеді. Кейін Непал билігі ел азаматтарына Ресей Федерациясы мен Украинада жұмыс істеуге рұқсат беруді уақытша тоқтатқаны белгілі болды.