Ресей ресми түрде Ауғанстан билігін мойындады

Ресей Федерациясы Ауғанстан билігін заңды деп таныған алғашқы мемлекет болды, деп хабарлайды Orda.kz.

Ауғанстанды мойындау туралы шешімді Путин Лавровтың ұсынысы бойынша қабылдады. 1 шілдеде Мәскеуге Ауғанстанның Ресейдегі жаңа елшісі Гуль Хасан келді. Ал 3 шілдеде Ресей сыртқы істер министрінің орынбасары Андрей Руденко одан сенім грамоталарының көшірмелерін қабылдады.

ТАСС басылымының мәліметіне қарасақ, 2021 жылғы жазда билікке келгеннен кейін тәліптер елдің ресми атауын Ауғанстан Ислам Әмірлігі деп ауыстырды.

Бірнеше күн бұрын Ауғанстанның Ресейдегі елшілік ғимаратында республика кезеңіндегі қара-қызыл-жасыл ту ілулі тұрған еді. Бүгінде ғимарат үстіне Талибандардың алғашқы билігі 1996–2001 жылдар аралығындағы ту қайта қойылды.

2023 жылдың соңында Қазақстан Талибанды тыйым салынған ұйымдар тізімінен алып тастады.

Әрине, Тәліптер билікке келген соң, ондағы қатаң түзімді естіп, біліп отырмыз. Жақында БҰҰ Бас Ассамблеясы отырысында осы елдердің сыртқы істер министрлері ауған  әйелдеріне салынған қатаң шектеулерді айыптап, тәліптерді халықаралық құқық талаптарын сақтамағаны үшін жауапкершілікке тарту жоспарын жариялады. Ал елдегі жоқшылық жұртты тарықтырып отыр. БҰҰ деректеріне сүйенсек, 25 миллион, яғни елдің тең жартысы жоқшылық пен аштықта қиналып жатыр. Сол миллиондардың арасында біздің қандас бауырларымыз бар. 

Orda.kz тілшісі ауған жеріндегі қазақтарға хабарласып, хал-жағдайларын сұраған еді. Олар намаз оқымаса сабайтындарын, қазақ болған соң басынатындарын, қыздарды діни киімге орап, білім алуына тыйым салғанын ашық айтқан еді. Толығырақ тілшіміздің мақаласынан оқыңыз. 

Айта кетейік, ВВС Ауғанстандағы 15 жасар қыздың сотта ажырасуға қол жеткізіп, жеңгені жайлы ақпарат шығарған болатын. Алайда тәліптер билікке келген соң, күйеуі некені қайта заңдастыру жайлы арыз беріп, жеңіске жетті. Ауғанстанның билігіне келгеніне 3 жыл тәліптер осылайша кәмелеттік жасқа толмаған қыздарды некеден қорғайтын заңды өзгертіп жатыр.

Сонымен қатар, Талибан билігі әйелдерге тек ер адамдармен ғана емес, басқа әйелдермен де ашық сөйлесуге тыйым салды.