«Реал Мадрид» клубы «Қайратқа» қарсы ойнайды

Чемпиондар лигасында испаниялық клуб «Реал Мадрид» Алматы қаласына келіп «Қайратпен» ойнайды, деп хабарлайды Orda.kz.

ЧЛ-ның жеребе тарту кезеңінде алматылық «Қайраттың» қай топ клубтарға қарсы ойнайтыны мәлім болды. Испанияның «Реал Мадрид» клубы Алматы қаласына келіп, орталық стадионда ойнаса, Лондон қаласында «Қайрат» «Арсеналмен» бақ сынасады және италиялық «Интер» клубына қарсы Милан қаласында ойнайды. Сондай-ақ португалиялық «Спортингпен» Лиссабон қаласында күш сынасса, грекиялық «Олимпиакос», бельгиялық «Брюггеге» және кипрлық «Пафосқа» қарсы Алматыда ойын өткізеді.

• «Реал Мадрид» (Испания), (елде);
• «Интер Милан» (Италия), (қонақта);
• «Арсенал» (Англия), (қонақта);
• «Брюгге» (Бельгия), (елде);
• «Спортинг» (Португалия), (қонақта);
• «Олимпиакос» (Грекия), (елде);
• «Пафос» (Кипр), (елде);
• «Копенгаген» (Дания) (қонақта).

1-тур ойындары 16-18 қыркүйек аралығында өтеді. Ал нақты күнтізбе 30 тамыз күні жарияланады.

Еске сала кетейік, «Қайрат» пен «Селтик» жаттықтырушылары сұхбат берді. Ал пенальти сериясында жеңілген «Селтиктің» жанкүйерлері ойыннан соң: «Бораттың малшыларынан жеңілдік» деп пікір білдірген болатын.