Путин Тоқаев пен Назарбаевты жаңа жыл мерекесімен құттықтап, жеделхат жіберді

Ресей президенті мемлекет басшысы Қасым-Жомарт Тоқаевқа және экс-президент Нұрсұлтан Назарбаевқа келе жатқан жаңа жылға орай құттықтау жеделхатын жолдады, деп хабарлайды Orda.kz. 

Сонымен қатар, Владимир Путин АҚШ-тың президенті Дональд Трампқа, Қытай төрағасы Си Цзиньпинге, Солтүстік Корея басшысы Ким Чен Ынға және өзге де әлем көшбасшыларына да мерекелік құттықтауларын жолдады.

Сондай-ақ, Қасым-Жомарт Тоқаев Путинмен телефон арқылы да сөйлесті. Мемлекеттер басшылары екіжақты ықпалдастықтың қазіргі жай-күйін талқылап, биыл Қазақстан-Ресей қарым-қатынасы мазмұнды әрі нәтижелі болғанын атап өтті. 

Қазақстан Президенті Украина қақтығысын реттеу бойынша келіссөз процесінің ілгерілеуін құптап, өзара берік уағдаластыққа қол жеткізуге бағытталған саяси-дипломатиялық тәсілдерді жалғастыру қажет екеніне тоқталды.

Айта кетейік, 28 желтоқсанда Ресей президенті Владимир Путин Мәскеуде Қазақстанның экс-президенті Нұрсұлтан Назарбаевты қабылдады.