Президенттің бұрынғы көмекшісі Шарлапаев «Бәйтерек» құрамындағы қызметінен босатылды

Қазақстан президентінің экономикалық мәселелер жөніндегі бұрынғы көмекшісі «Бәйтерек» ұлттық басқарушы холдингінің директорлар кеңесі құрамынан шығарылды, деп хабарлайды Orda.kz.

Енді холдингтің директорлар кеңесі тоғыз адамнан тұрады. Олардың қатарында: Олжас Бектенов, Роман Скляр, Серік Жұманғарин, Мәди Тәкиев, Ерсайын Нағаспаев, Рустам Қарайғошин, Мэри-Елен Берар, Дэниел Алан Витт және Манфред Грундке бар.

«Бәйтерек ұлттық басқарушы холдингі» АҚ (KASE — BTRK тикері) жалғыз акционерінің 2025 жылғы 14 қазандағы шешімімен Қ.Б.Шарлапаев қоғамның директорлар кеңесінің құрамынан шығарылды» деп жазылған KASE-тегі құжатта. 

Айта кетейік, Қанат Шарлапаев 2022–2023 жылдары холдингтің директорлар кеңесінің мүшесі және басқарма төрағасы қызметін атқарған.

Еске сала кетейік, Қазақстанда бір палаталы парламентке көшуге дайындық жүріп жатыр. Алайда ел президенттік басқару жүйесін сақтап қалады. Бұл жөнінде мемлекеттік кеңесші Ерлан Қарин журналистермен кездесуінде мәлімдеді. Бірақ кездесу жабық форматта өтті. Шақырылғандардың тізімінде тек «қажетті» деген басылымдар бар.