Пласидо Доминго Димаш Құдайбергенді дуэт айтуға шақырды

Әлемге әйгілі опера әншісін қазақ орындаушысының шығармашылығымен немересі таныстырды.

Олар Доминго да, Құдайбергенов те қазылар алқасында отырған «Виртуози» еуропалық телебайқауда кездесті.

«1999 жылы үйде үш ұлы тенордың концерті жазылған кассета болды. Ол кезде  жылдар өткен соң ұлы Пласидо Домингомен бірге Еуропадағы ең қызықты «Виртуози» телешоуының қазылар алқасының мүшесі болатыным үш ұйықтасам түсіме кірмеген», - деп жазды Димаш Instagram парақшасында.

Ал жарияланған видеода аты аңызға айналған Доминго Құдайбергенге ол туралы барабаншы немересінен білгенін айтады.

«Ол барабаншы және ол сізді YouTube-тен көрген. Бұлай ән айтуға деген таңданысын жасырмады. Ол сенің алты октаваң бар деді. Бірақ ең таңғаларлығы, олардың бәрі бірдей құндылық», - деді Доминго.

Маэстро Димашты дуэт айтуға шақырды.

«Мен 20 жасымда өз дауысыммен ән айта алатынмын. Қазір мен тенорға арналған тесситураны сағындым. Бірақ сіздің жасыңыз ұлғайғанда  бұндай қиындық болмайды деп ойлаймын. Керемет дуэт жазамыз. Ыңғайлы болса, ертең репетиция жасайық, - деп ұсыныс жасады Доминго. 

Қазір испандық опера әншісі әрі дирижер 82 жаста. Оның сахнада жүргеніне жарты ғасырдан асты. Осы уақыт ішінде Пласидо Доминго 150 басты опералық рөлді асқан шеберлікпен орындады.