Питер Фостердің жұбайы оның Air Astana-дан не себепті кеткенін жария етті

Air Astana компаниясының бас директоры Питер Фостер 20 жылдық қызметінен кейін отставкаға кетеді. Татьяна Фостер компаниядан кетудің себебін ашып айтты, деп хабарлайды Orda.kz.

7 қазанда Air Astana бас директоры Питер Фостердің жұбайы Татьяна Фостер әлеуметтік желіде оның алдағы қызметінен кететінін хабарлаған жазба жариялады. Өткен жылы жұбайы балаларымен Англияға көшкен еді. Жеке жазбасында жұбайы енді Питердің бар уақытын жақындарымен өткізуге ниетті екенін айтты.

«Жұрт өткен жылы біз балалармен бірге Англияға көшіп барғанымызды білген еді. Бұл шешім оған әке ретінде әрі компанияға жаңа кезеңге дайындық болатын. Ұлдарымызға — әке керек. Маған — жар. Ал оған «кестеде жоспарланбаған» аспан, теңіз, гольф керек. Сассекс графтығындағы достарымен аңшылыққа бару және таңертең балаларды мектепке апаратын қарапайым бақыт керек»  деп жазды Татьяна.

Айта кетейік, «Эйр Астана» АҚ директорлар кеңесі Питер Фостер 2026 жылдың наурызының соңында бас атқарушы директор және директорлар кеңесінің мүшесі қызметтерінен кететінін мәлімдеді.