Петропавлда көзіне пышақ кірген баланың ісін полиция тексеретін болды

cover Фото: Orda.kz

Петропавлда пышақ жарақатын алған үш жастағы балаға қатысты сотқа дейінгі тергеу басталды, деп хабарлайды Orda.kz.

Бұл туралы Солтүстік Қазақстан облысының полиция департаменті хабарлады. Еске салайық, бұған дейін үш жастағы баланың пышақ жарақатын алып, ауруханаға түскенін хабарлаған едік. Анасы нәрестені пышаққа құлады деп мәлімдеген. Бірақ полиция бұл нұсқаны тексеретін болады. 

«Тәрбие жөніндегі міндеттер орындалмағаны үшін қылмыстық іс қозғалды. Істің мән-жайын жан-жақты зерттеуге бағытталған тергеу әрекеттері жүргізілуде. Олардың нәтижелері бойынша түпкілікті процестік шешім қабылданады» делінген хабарламада.

Аймақтың денсаулық сақтау басқармасы баланың әлі де ауыр жағдайда екенін хабарлады.

Жаңалықтар

барлық жаңалықтар