Перуашев «Самұрық-Қазына» басшысының табысы туралы сұрады

Мәжіліс депутаты Азат Перуашев «Самұрық-Қазына» ұлттық әл-ауқат қорының басшысы Нұрлан Жақыповтың үш жыл ішінде іс жүзінде миллиардер (805,9 млн теңге) болып кеткенін сынға алды, деп хабарлайды Orda.kz.

 Оның айтуынша, мұндай табыс жеке бизнесте қалыпты көрінеді, оның үстіне қоғам кәсіпкердің табысына қуанып, қолдайды. Бірақ мемлекеттік мекемеде жұмыс істейтін адам туралы сөз болғанда, бұл жөнінде сұрақтың туындау заңды, деп пікірін білдірді депутат.

«Мен  «Ақ жол» фракциясының бірнеше рет барлық квазимемлекеттік құрылымдардың, оның ішінде «Самұрық-Қазына» қорының, ұлттық компаниялардың қызметін бағындыруды, олардың бюджеттерін толығымен парламентте талқыланып жатқан республикалық бюджетке енгізуді ұсынғанын еске саламын. Кеңейтілген бюджетке. Бүгінде бюджет кодексі аясында біздің көпжылдық талаптарымыз бойынша бұл есептер бақылауымыздан өтеді. Біз  оларды қарастырып отырамыз, бірақ өкінішке қарай,  осы бюджеттер бойынша есептерді бекітпейміз. Жай ғана есеп аламыз. Бұның өзі ең болмағанда алғашқа қадам», - деді Перуашев. 

Депутат бұл жүйені парламент тек ақпаратқа ғана емес, квазимемлекеттік секторды бақылаудың нақты құралдарына қол жеткізуі үшін дамыту қажет деп мәлімдеді.

Тақырыпқа сай ұсынамыз:

• Қазақстанды «Штрафстан» деп айтқанына өкінетін – Перуашев
• «Бір-бірін айыптаған депутаттар дауы»: Азат Перуашев кімге пара берді?
• «Ұлттық гвардия, харрасмент, жемқорлық»: «Ақ жол» партиясы қалай дауға қалды?