Павлодарлық кәсіпкерге 22 рет пышақ сұққан күдікті Ресейден экстрадицияланды

Бас прокуратураның қызметкерлері павлодарлық кәсіпкерді өлтірді деген күдікпен Қазақстан азаматын Ресей Федерациясынан экстрадициялады, деп хабарлайды Orda.kz. 

Тергеу мәліметінше, биыл 21 ақпанда жәбірленуші жұмысқа шығып, хабарсыз кеткен. Кейіннен сол күні кәсіпкердің Павлодарда күдіктімен оның тұрғын үйінің ауласында кездескені анықталған. Қаржы жағынан дауласып, қаскүнем жәбірленушінің кеудесі мен бетіне 22 рет пышақ сұққан. Жәбірленуші сол жерде алған жарақаттарынан көз жұмған.

Қылмыстың ізін жасыру мақсатында күдікті марқұмның денесін және оның автокөлігін гаражына жасырып, кейін Қазақстаннан шығып, шетелге қашып кеткен.

Осы жылдың наурыз айында ол Ресей Федерациясының аумағында ұсталды. Қазіргі уақытта күдікті тергеу изоляторына қамалды. 

Айта кетейік, Кентау қаласында қоқыстан нәрестенің денесі табылды.