Павлодардағы кеніште 31 жастағы жұмысшы жігіт қаза тапты

«Богатырь көмір» ЖШС-де 31 жастағы электр слесарі токқа түсіп, мерт болды, деп хабарлайды Orda.kz. 

Қайғылы оқиға 22 қараша күні болған. Павлодар облысы бойынша Мемлекеттік еңбек инспекциясы комитеті тергеу бастады. Тергеу қорытындысында оқиғаның себебі мен мән-жайы анықталады.

«Богатырь көмір» ЖШС баспасөз қызметінің хабарлауынша, арнайы комиссия құрылып, марқұмның туыстарына көңіл айтқан. Отбасына барлық қажетті көмек көрсетілетін болады.

Еске сала кетейік, бұған дейін, 17 ақпанда «Қазақмыс» корпорациясына қарасты «Жомарт» кенішінде де жер асты топырағы опырылды. Сол апат кезінде жеті кенші топырақ астында қалып, барлығы қаза тапқан.