Павлодар облысында ер адам үш жасар баласын өлтірді деген күдікке ілінді

22 қыркүйекте Павлодар облысының Тереңкөл ауданы, Осьмерыжск ауылында әкесі үш жасар туған баласын аяусыз ұрып, өлтірді деген күдікке ілінді, деп хабарлайды Orda.kz.

Әлеуметтік желіде тараған ақпаратқа сәйкес, ер адам мас кезінде өз баласын аяғынан ұстап, екі рет жерге ұрған. Бұл деректі облыстық денсаулық сақтау басқармасы растады. Ведомствоның мәліметінше, 20 қыркүйек күні түнде «Тереңкөл аудандық ауруханасының» қабылдау бөліміне үш жасар бала ауыр жағдайда жеткізілген.

«Жабық бассүйек-ми жарақаты, бас сүйегінің сынған, қасының үстінде жарақаты бар. Дененің әр жері көгеріп, қан ұйып қалған. Жасалған барлық реанимациялық шаралар нәтиже бермей, бала көз жұмды. Марқұмның денесі сот-медициналық сараптамаға жіберілді» деп жазылған хабарламада.

Күдікті болып жәбірленушінің әкесі танылды. Қазіргі уақытта ол сот санкциясымен қамауға алынды. Оқиғаның нақты мән-жайы мен себептері тергеу барысында анықталмақ.

Еске сала кетсек, Павлодар жылу электр орталығында жұмысшы көз жұмды. «Павлодарэнерго» АҚ жылу электр орталығында жұмыс кезінде 33 жастағы дәнекерлеуші қаза тапты.