«Патронаттық тәрбие»: Ақмола облысында 8 жасар бала қорлық көрген

Ақмола облысында патронаттық тәрбиеде болған 8 жасар бала жәбір көрген, деп хабарлайды Orda.kz. 

Бұл туралы омбудсмен Динара Зәкиева мәлімдеді.

Мектептегі мұғалімдер баланың үнемі ұйқысы қанбай, аш жүретінін байқаған. Әрі баланың жеке гигиенасының төмендігін көрген. 8 жастағы баланы тексеру барысында денесінде тыртықтар мен көгерулер анықталған.

Бала 2022 жылдан бері патронаттық тәрбиеде болған. 

Сәуір айында патронаттық тәрбиеші психиатрға жүгініп, балаға әсері күшті дәрі тағайындалған. Бірақ тәрбиешенің бұл әрекеттері күдік тудырды. 

Қазіргі таңда бала ауруханада. Қылмыстық іс қозғалды.