Парламент өртке оранды: Непалдың премьер-министрі Шарма Оли отставкаға кетті

Непалда әлеуметтік желілерге тыйым салынғаннан кейін жаппай наразылық басталды. Осы оқиғалардың аясында премьер-министр Шарма Оли қызметінен кетті, деп хабарлайды Orda.kz.

Отставкаға бірнеше сағат қалғанда Оли халықты сабырлы болуға және диалог арқылы шешім іздеуге шақырған. Алайда елдің жағдайын тұрақтандыру үшін оған армия қолбасшысы - генерал Ашок Радж Сигдел орнынан кетуді талап еткен.

Наразылық әлеуметтік желілерге шектеу енгізілгеннен кейін басталған. Халыққа YouTube, X (Twitter), Reddit, LinkedIn, сондай-ақ WhatsApp, Facebook және Instagram платформаларына кіруге тыйым салынған. Бұл шешім жастар арасында, әсіресе Z ұрпағы арасында наразылық туғызып, көшеге шыққандар министрлік резиденцияларын басып ала бастаған.

Уақыт өте билік тыйымды алып тастап, платформаларға қолжетімділікті қайта қамтамасыз еткен. Дегенмен, бұл кезде наразылық шаралары күшейген болатын.

Непалда парламент ғимаратына наразылық білдірушілер от қойды.

Непалдағы наразылықтар барысында жұртшылық парламент ғимаратын тұтатып, өрт қойды. Бұған елдегі әлеуметтік желілерді шектеу және жастардың наразылығы себеп болып отыр.

Қазіргі уақытта өрт сөндірушілер ғимаратқа бақылау орнатып, өртті сөндірумен айналысып жатыр, ал полиция жағдайды тұрақтандыру үшін шара қабылдауда.