«Пәктігіңді тіктіріп беремін»: Шымкент тұрғыны 12 жасар қызды зорлады

Шымкент қаласында 12 жасар қызды зорлады деген күдікті оған пәктігін қайта жасатып беретінін айтқан.

Бұл туралы заңгер Ләззат Рақышева өзінің instagram парақшасында хабарлады.

Олардың whatsap желісі арқылы сөйлескен хаттарын Ләззат Рақышева өзінің парақшасына салған болатын.

«Бас прокуратураның назарына, елімізде заң неге қадағаланбайды? Қыз бала біздің «One-Stop-Service» жобамызға келіп, 12 жасында жыныстық зорлық көргенін айтты. Шымкент қаласы әл-Фараби ауданының полиция қызметкерлері қылмыстық істі екі мәрте қысқартып тастаған. Тергеуші қыз баланың зорлықшымен сөйлескен әңгімесін өшіріп тастаған. Яғни, іс бойынша дәлелдің көзін жойып отыр», — дейді заңгер.

Ләззат Рақышева тергеушіні қызметтік міндетін атқармай, зорлықшыға көмектесіп отыр деп болжайды.