Пәкістандықтар Тоқаевты саясат қайраткерлеріне берілетін орденмен марапаттады

Қасым-Жомарт Тоқаевқа Пәкістанның ең жоғары мемлекеттік наградасы – Nishan-e-Pakistan ордені табысталды, деп хабарлайды Orda.kz. 

Исламабадта өткен салтанатты іс-шарада Пәкістан президенті Асиф Али Зардари мен премьер-министрі Шахбаз Шариф Тоқаевты Nishan-e-Pakistan орденімен марапаттады.

Ақорданың баспасөз қызметі бұл марапат ел дамуына ерекше үлес қосқан Пәкістан азаматтарына және шетелдік мемлекет, саясат, сондай-ақ қоғам қайраткерлеріне берілетінін мәлімдеді. 

Жиынға Пәкістанның үкімет мүшелері, парламент депутаттары, қарулы күштердің жоғары басшылық құрамы қатысқан.

Исламабад қаласында Қасым-Жомарт Тоқаев өзінің соңғы 23 жылда Пәкістанға барған алғашқы қазақстандық президент екенін мәлімдеп, бұл сапардың тарихи маңызы туралы айтты. Сапар барысында Қазақстан мен Пәкістан стратегиялық әріптес атанып, 37 құжатқа қол қойды.

Оқи отырыңыз:

• Тоқаев Пәкістан премьерімен не туралы сөйлесті?
• Запастағы 850-ден астам офицер әскери қызметке шақырылады
• Қазақстандық дәрігерлер «Нипах» ауруының алдын алу бойынша үндеу жасады