Өзбекстанда зейнетақы мен жәрдемақы 1 қыркүйектен бастап өседі

2024 жылдың 1 қыркүйегінен бастап Өзбекстанда зейнетақы, жәрдемақы және төмен жалақылардың мөлшерлері 15%-ға өседі. 

Бұл туралы Өзбекстан президентінің баспасөз қызметі хабарлады.

Атап айтқанда, төмендегі өзгерістер енгізіледі:

• Зейнетақының базалық мөлшері айына 428 мың сум (16 243 теңге) болады;
• Жасы бойынша зейнетақының ең төменгі мөлшері – айына 834 мың сум (31 652 теңге);
•  Мүгедектік бойынша зейнетақының ең төменгі мөлшері – айына 920 мың сум (34 916 теңге).

1 қазаннан бастап медициналық қызметкерлердің және білім беру мекемелеріндегі педагогтердің жалақылары 15%-ға, ал басқа бюджеттік ұйымдардағы қызметкерлердің жалақылары 10%-ға өседі. Ең төменгі еңбекақы мөлшері айына 1,155 миллион сумды (43 834 теңге) құрайды, ал базалық есептеу мөлшері 375 мың сумға (14 232 теңге) көтеріледі.

Еске сала кетсек, Orda.kz қазақстандық азаматтардың зейнетақы мен жәрдемақы мөлшерін көтеруді сұрап, петиция ұсынғаны жайлы жазған болатын.