«Өскемендегі жас хоккейшінің қазасы»: Сот айыпталушыға қатысты үкімді қайта қарады

Өткен жылдың тамыз айында Өскемендегі спорт сарайында «Торпедо» хоккей клубы ойыншылары арасында жанжал болған. Жанжал кезінде 19 жастағы Иван Пыленка қаза тапты. Жас хоккейші құлап, басын соғып алған. Ол ауруханаға жетпей жолда көз жұмды, деп хабарлайды Orda.kz. 

Өскемен қалалық соты Андрей Логуновты «абайсызда өлімге себепкер болды» деп айыптады. Ол 1,5 жылға бас бостандығынан айырылған. Бірақ Конституцияның 30 жылдығына орай рақымшылыққа іліккен еді.

Бүгін ШҚО облыстық соты бұл үкімді қайта қарап, Логуновты кінәлі деп тауып, 3 жыл бас бостандығынан айыру жазасын тағайындады. Жәбірленуші тараптың азаматтық талаптары ішінара қанағаттандырылды.

Андрей Логунов пен залдағы жұрт мұндай шешімді күтпеген еді. Сотталушының жары мен кішкентай баласы бар.

Айта кетейік, Түркістанда қомақты қаражат жымқырған бұрынғы бас дәрігер қолға түсті.