«Оскар» дауылы елдімекендерді жарықсыз қалдырды

Кубада «Оскар» дауылы соқты, деп хабарлайды Orda.kz.

 Метеоролог мамандар желдің екпіні сағатына 120 шақырымға жеткенін мәлімдеді. Елдің шығысындағы Кариб теңізі маңында нөсер жауын жауды. Елде 2 күннен бері электр жарығы жоқ. Басқа да инфрақұрылымдар қирады. Ағаштар опырылып, жағаға жақын аудандар су астында қалды. 

Жалпы «Бостандық аралында» кейінгі 3 жыл бойы электр жарығы жиі өшеді. Оған электр желілерінің ескіргені, су электр стансаларындағы техникалық ақаулар мен жанармай тапшылығы себеп болып отыр.