«Өрт қауіпсіздігінің жақсарғанын көрмедік»: Бектенов Жетісайдағы трагедияға қатысты пікір білдірді

Алғабас ауылындағы жантүршігерлік өрттен кейін министрлер кабинеті тексеру жүргізіп, маңызды шаралар туралы хабар бере бастады, деп хабарлайды Orda.kz. 

Үкімет отырысында олар ішінара кеше хабарлағандарын қайталады. Естеріңізге сала кетейік, қайғылы оқиғаның себептерін тергеу үшін арнайы комиссия құрылды. Бұл топты вице-премьер Қанат Бозымбаев басқаруда. Оның құрамына бірнеше ведомстволардың өкілдері кірді.

Премьер-министр Олжас Бектенов Жетісай ауданындағы қайғылы оқиға шұғыл қорытындылар мен іс-қимылдарды талап ететінін айтты. «Өрт қауіпсіздігі талаптарын бұзу» бабы бойынша сотқа дейінгі тергеу жүріп жатыр. 

Кеше Бозымбаев тұрғын үйлерді, жатақханаларды жаппай тексеруді тапсырды. Бүгін Бектенов осы жағдайға назар аударуды талап етті.

Олжас Бектенов зардап шеккендер мен қаза тапқандардың отбасыларына барлық қажетті көмек, оның ішінде материалдық және медициналық көмек көрсетілетінін атап өтті.

Қазір барлығы 12 адамды ажал құштырған қорқынышты өрттің неден шыққаны белгісіз. Бұл сұраққа ресми жауап әлі берілмеді.

Айта кетейік, Алғабаста 12 адамның өмірін жалмап кеткен өртен аман қалған үш адамның бірі кеше кешке есін жиды.