«Ордабасы» клубының экс-президенті Түркияда жасырынып жүр: Бас прокуратура Анкараның жауабын күтуде

Қазақстанның Бас прокуратурасы Түркияға Бақтияр Байсейітовті экстрадициялау туралы өтініш жолдады. Оған аса ірі қаражат жымқырғаны үшін халықаралық іздеу жарияланған, деп хабарлайды Orda.kz. 

Бақтияр Байсейітов Түркия аумағында ұсталды. Бас прокуратура осы жылдың 21 ақпанында Қазақстан шетелдік әріптестеріне оны беруге ресми сұрау салғанын нақтылады. Алайда, екі ел әлі ортақ шешімге келмеген. 

Тергеу мәліметінше, Байсейітов Түркістан облысында «Қаратау« кенішін салуға бөлінген 320 млн теңгеден астам қаражатты жымқыруға қатысқан деген күдікке ілінді. Тергеушілердің айтуынша, жобаға арналған жабдықтар мүлдем жеткізілмеген. Ал қаражат шоттан заңсыз шығарылған.

Тергеушілер Байсейітов өз бақылаудағы компанияның заңсыз әрекетін қолдады деп санайды. Оның әрекеттері ҚР ҚК 189 - бабы 4-бөлігінің 2-тармағы(«Адамдар тобы аса ірі мөлшерде жасаған бөтен мүлікті жымқыру») бойынша тергелген.   

2017 жылдан 2021 жылға дейін Бақтияр Байсейітов «Ордабасы» футбол клубының президенті болды.

Айта кетейік, Павлодар облысының әкімі қамауға алынған туған әпкесіне қатысты пікір білдірді.