Оразада азық-түлік бағасы арзандайтыны рас па? Бас мүфти үндеу жасады

ҚМДБ төрағасы Наурызбай қажы Тағанұлы Рамазан айында халықты қолдау үшін азық-түлік бағасын арзандатуды ұсынды, деп хабарлайды Orda.kz.

Бас мүфтиі ҚМДБ төрағасы Наурызбай қажы Тағанұлы  қасиетті Рамазан айына байланысты кәсіпкерлерді әлеуметтік маңызы бар азық-түлік тауарлары бағасын төмендетуге шақырды.

«Баршаңызды Қазақстан мұсылмандары діни басқармасының қасиетті айда ұйымдастыратын қайырымдылық іс-шараларына үлес қосуға шақырамын. Кәсіпкерлерді әлеуметтік маңызы бар азық-түліктердің бағасына жеңілдік жасауға үндеймін. Рамазан айына тура келген құдайы астарды ауызашар уақытында өткізіп, көбірек сауап алуға тырысайық», – деді Тағанұлы.

Айта кетейік, биыл  қасиетті Рамазан айы 19 ақпанда басталып 19 наурызға дейін жалғасады.

Оқи отырыңыз:

• Рамазан-2026: 19 ақпанда қасиетті Рамазан айы басталды
• Ораза кестесі 2026: Қай уақытта ауыз бекітіп, қай уақытта ауыз ашамыз?
• Рамазан-2026: Пітір садақа мөлшері белгілі болды