Оңтүстік Кореяның жаңа президенті кім болады?

Оңтүстік Корея халқы 3 маусым күні жаңа президенттерін таңдайды, деп хабарлайды Orda.kz.

Үкімет президент сайлауының дәл осы күні өтетінін ресми түрде жариялады. Бұл шешім 8 сәуірде министрлер кабинеті отырысында қабылданды. Конституцияға сәйкес, сайлау мемлекет басшысы отставкаға кеткеннен кейін 60 күн ішінде өтуі керек. Мысалы, 2017 жылы Пак Кын Хе қызметінен кеткен соң, дауыс беру тура 60 күннен кейін ұйымдастырылған болатын.

Заңға сәйкес, мемлекеттік қызметкерлер сайлауға түсу үшін 4 мамырға дейін отставкаға кетуі тиіс. Жаңа президент сайланған сәттен бастап қызметіне кіріседі.

Ұлттық сайлау комиссиясы кандидаттарды алдын ала тіркеуді бастап кетті. Құжат қабылдау 11 мамырда аяқталады, ал ресми үгіт-насихат 12 мамырда басталады. Бұрынғы еңбек министрі Ким Мун Су алғашқылардың бірі болып өз кандидатурасын ұсынды.

Оппозициялық демократиялық партияның жетекшісі Ли Чжэ Мен де сайлауға қатысады. Ол негізгі үміткерлердің бірі саналады. 2022 жылы өткен сайлауда Ли Чжэ Мен аз ғана ұпаймен жеңіліп қалған еді.

Айта кетейік, қаңтар айында елде әскери жағдай енгізілгеннен кейін президент Юн Сок Ёль қамауға алынды. Ол — Оңтүстік Корея тарихында тұтқындалған алғашқы мемлекет басшысы. Юн Сок Ёль 15 қаңтарда ұсталып, келесі күні жауап алуға қатысудан бас тартқан. Оның жұбайы да қылмыстық іс аясында күдікті деп танылды.

4 сәуірде Юн Сок Ёль президент қызметінен ресми түрде шеттетілді.