Оңтүстік Кореяның бұрынғы бірінші ханымы сыбайлас жемқорлық үшін сотталды

Сеулдің Орталық аудандық соты Оңтүстік Кореяның бұрынғы президенті Юн Сок Ёльдің жары, бұрынғы бірінші ханым Ким Гон Хиге бір жыл сегіз айға бас бостандығынан айыру жазасын тағайындады, деп хабарлайды Orda.kz. 

Бұрынғы бірінші ханым шіркеу мүдделеріне ықпал ету үшін қымбат сыйлықтар, соның ішінде Chanel сөмкелері мен гауһар алқа алғаны үшін кінәлі деп танылды. 

Сонымен қатар, сот Ким Гон Хиді акция бағаларын өзгерту және саяси қаржыландыру заңын бұзу бойынша айыптардан ақтады. Оған жеткілікті дәлел табылмады. Прокуратура қатаң жаза сұрап, 15 жылға дейін бас бостандығынан айырып, ірі айыппұл салуды талап еткен еді. Сотталушы өз кінәсін жоққа шығарды. 

Айта кетейік, жуырда ғана Оңтүстік Кореяның бұрынғы президенті Юн Сок Ёльге үкім шықты. Ол елде төтенше әскери жағдай жариялағаны үшін 5 жылға сотталды. 

Юн Сок Ёль 2025 жылғы 15 қаңтарда қамауға алынды. Ал сәуір айында конституциялық сот импичмент жариялап, ресми түрде Юн Сок Ёльді қызметінен босатты. Кейін екі айдан соң елде кезектен тыс сайлау өтті. Сайлауда «Тобуро» демократиялық партиясының өкілі, 61 жастағы Ли Чжэ Мён жеңіске жетті.

Айта кетейік, Юн Сок Ёль Оңтүстік Корея тарихында қамауға алынған алғашқы мемлекет басшысы.