Оман астанасынан 314 адам елге келді, Таяу Шығыста тағы 9 мыңнан астам қазақстандық бар

SCAT Airlines әуе компаниясы Алматы – Маскат – Алматы бағыты бойынша Boeing 767 ұшағымен DV5361 арнайы рейсін орындады, деп хабарлайды Orda.kz.      

СІМ өкілі Ерлан Жетібаев қазақстандықтардың басым бөлігі Біріккен Араб Әмірліктері, Катар және Сауд Арабиясы аумағында екенін нақтылады.

Жалпы Таяу Шығыстағы шиеленіс аймағында 9 мыңнан астам қазақстандық бар. Оның ішінде Иранда – 47 адам, Израильде – 163 адам, Катарда – 3 мыңнан астам, Біріккен Араб Әмірліктерінде – 4 мыңнан астам және Сауд Арабиясында шамамен 1,8 мың адам бар, – деді ол.  

Қазақстан сыртқы істер министрлігі отандастарымызды эвакуациялауды жалғастырып жатыр. Қазіргі уақытқа дейін 946 Қазақстан азаматы елге қайтарылды. 

Сонымен қатар 4-наурызда Оман астанасы — Маскат қаласынан SCAT Airlines әуе компаниясы арқылы Қазақстанға 314 адам жеткізілді. Олардың қатарында балаларымен бірге сапарлаған жолаушылар да бар. 

Бұл жұмыс мүдделі мемлекеттік органдармен және әуе тасымалдаушыларымен бірлесе жүргізілуде. Мұндай арнайы рейстер күрделі халықаралық жағдай мен кейбір әуе бағыттарындағы шектеулер кезінде азаматтардың қауіпсіз түрде елге оралуын қамтамасыз етуге мүмкіндік береді.

Арнайы рейстерді ұйымдастыру – шетелдегі Қазақстан азаматтарын қорғау шараларының бір бөлігі. Осындай жағдайларда мемлекеттік құрылымдар мен әуе компанияларының өзара іс-қимылы эвакуация және азаматтарды елге қайтару мәселелерін жедел шешуге мүмкіндік береді.

Еске салсақ, бұған дейін Қазақстан сыртқы істер министрлігі консулдықтармен бірлесіп,  қазақстандықтарды эвакуациялау үшін арнайы рейстер мен жерүсті тасымалын ұйымдастыруда. Алғашқы 278 адам Оманнан Алматыға жөнелді, жалпы 467 азаматты елге қайтып оралды. 

Оқи отырыңыз: 

• Қазақстан өз азаматтарын эвакуациялай бастады: Шиеленіс аймағынан 467 адам шықты
• Қазақстан азаматтарын эвакуациялау бағыттары нақтыланды
• Тоқаев Оман сұлтанына эвакуациядағы жәрдемі үшін алғыс айтты