Олжас Әбішев Ажар Ғинияттың арызымен қозғалған іс жабылғанын айтты

Бұрынғы Денсаулық сақтау мниистрі Ажар Ғиният, бұрынғы вице-министр болған Олжас Әбішевтің үстінен полицияға арыз түсірген болатын. Алайда іс Әбішевтің қызметтен кеткеннен кейін жабылған, деп хабарлайды Orda.kz порталы.

Олжас Әбішев Ажар Ғиният оның мазасын алғанын айтады.

«Бір жыл бойы менен ғана емес, әйелімнен де жауап алып, жұбайым мен менің телефонымды тәркіледі. Денсаулық сақтау министрлігінің бұрынғы басшылығы барлық әкімшілік билігін отбасыма қолданды. Бірақ, олар айтқандай, ештеңе мәңгілік емес. Шамасы министр Ғиният қызметінен кеткеннен кейін, әкімшілік билік күшін жоғалтты. Ал іс бірден тоқтатылды» деп жазды Әбішев. 

Айта кетейік, бір жыл бұрын экс-министр Әбішевтің үстінен арыз жазып, қылмыстық іс қозғатқан. Алайда Әбішев істің тоқтатылуы туралы ақпарат сотқа дейінгі тергеп-тексерудің бірыңғай тізілімінде бар екенін түсіндірді.

«Ғиният менің және әйелімнің үстінен полицияға арыз жазып, не көздеді екен? Бір жыл бұрын жұмыс істемейді деген платформаға қатысты өтінішті қарау барысында сол кездегі денсаулық сақтау министрі Ғиният пен денсаулық сақтау министрлігінің қызметкері Балтабекова үстімнен полицияға арыз жазып, жаңадан қылмыстық іс қозғады. Бұл мені жаңа қылмыстық іспен қорқыту үшін жасалса керек. Өйткені сотта жұмыс істемейтін платформаға қатысты Денсаулық сақтау министрлігінің барлық уәждерінің  талқаны шықты», - деді бұрынғы вице-министр.