Нұрлан Қоянбаев Түркістан облысы әкімінің кеңесшісі болды

Белгілі қазақстандық продюсер, тележүргізуші және актер Нұрлан Қоянбаев Түркістан облысы әкімінің штаттан тыс кеңесшісі болып тағайындалды, деп хабарлайды облыс әкімдігінің баспасөз қызметі.

«Қоянбаев әкім Дархан Сатыбалдыға шығармашылық индустрияны дамыту бойынша кеңес береді» делінген әкімдік хабарламасында.

Нұрлан Қоянбаев 1979 жылы 19 шілдеде Қызылорда облысында дүниеге келген. Тарих, қаржы және халықаралық қатынастар бойынша жоғары білімі бар.

Шоумен президент телерадиокешенінің креативті директоры және «Қазақстан» телеарнасының бас продюсері қызметтерін атқарған. Республикалық телеарналардағы танымал жобаларды жасауға да атсалысқан. «Шапағат» медалінің иегері.