Норвегияда АҚШ елшілігі жанындағы жарылысқа қатысты үш адам ұсталды

Норвегия полициясы Осло қаласындағы АҚШ елшілігі маңында болған жарылыс ісі бойынша үш адамды ұстады, деп хабарлайды Orda.kz Deutsche Welle басылымына сілтеме жасап.

Полицияның мәліметінше, ұсталғандар – жасы 20 мен 29 аралығындағы ағайындылар. Олар Иракта туылған Норвегия азаматтары. Тергеу нұсқасына сәйкес, күдіктілер адамдарды өлтіру немесе айтарлықтай зиян келтіру мақсатында қуатты жарылғыш құрылғыны іске қосқан болуы мүмкін.

Оның айтуынша, шабуыл белгілі бір мемлекеттік құрылымның тапсырмасымен жасалған болуы мүмкін.

Жарылыс 8 наурызда болды. Полиция жарылыстың нақты себептерін ашып айтпады. Тек жарылғыш құрылғы қолданылғанын мәлімдеді.

Кейінірек Осло полициясы бұл жарылыс террористік әрекет болуы мүмкін екенін мәлімдеп, күдіктілерді іздестіру жұмыстары жүргізіліп жатқанын хабарлаған.

Оқи отырыңыз:

• Атыраудағы қандықол күйеу бала: Жоғалған отбасының ұлы мен қызының мүрдесінен үшкір заттан алған жарақаттар анықталды
• «Хезболла» Израильге жаппай зымыран шабуылын жасады
• Алматыда қалың қар жауып, бір тәулікте 62 жол-көлік оқиғасы тіркелді