Nexta Telegram каналының авторы өлім жазасына кесілуі мүмкін

Минск әуежайында Nexta және «Беларусь головного мозга» Telegram каналының негізін қалаушы Роман Протасевич ұсталды.

Бұл туралы Orda.kz Gazeta.ru сайтына сілтеме жасап хабарлады.

Оның Беларуссиядағы екі арнасы да экстремистік деп танылған.

Протасевич Ryanair-тің Афины - Вильнюс рейсімен ұшты. Ұшақ шұғыл түрде Беларуссияның астанасына қонды.

«Бірінші пул» телеграм каналында «борт шекараның үстінде болды, олар ұшаққа отыру үшін Минскке бұрылды» деп жазды. Жағдай туралы республика президенті Александр Лукашенкоға хабарланды, ол «ұшақты айналдырып, қабылдауға сөзсіз бұйрық берді».

– Мұндай жағдайда, ең алдымен адамдардың қауіпсіздігі мен өмірі маңызды! - делінген хабарламада.

Ұшу алдында Протасевич оның соңына түскенін байқағанын мәлімдеді. Роман өлім жазасына кесілуі мүмкін.