Неліктен өзбек шахматшысы Үндістаннан келген қарсыласымен қол алысудан бас тартты

Оқиға 21 қаңтарда Нидерландтың Вейк-ан-Зе қаласында өткен әлемге әйгілі Tata Steel Chess турнирінде болды, деп хабарлайды Orda.kz.

Әлеуметтік желілерде таралған бейнебаянда 23 жастағы үндістандық гроссмейстер Рамешбабу Вайшали ойын алдында Нодирбек Якуббоевқа қолын ұсынады, бірақ өзбек шахматшысы оған жауап бермей, орнына отырады. Бұл жағдай үнді шахматшысының таңданысын тудырды, деп жазады Gazeta.uz.

Олимпиада чемпионы Якуббоев сол матчты жеңіліспен аяқтады. Кейін ол әлеуметтік желіде бұл жағдайға түсініктеме беріп, қол алысудан бас тарту себебін айтты.

«Мен Вайшалимен партияда болған жағдайды түсіндіргім келеді. Әйелдер мен үнді шахматшыларына деген терең құрметпен мен діни себептермен басқа әйелдерге қол тигізбейтінімді айтқым келеді. Мен Вайшали мен оның ағасын Үндістандағы ең мықты шахматшы ретінде құрметтеймін. Егер менің іс-әрекетім оны ренжітсе, кешірім сұраймын»  деп жазды Якуббоев.

Шахматшы өз жазбасында шахматтың харам емес екенін атап өтті.

Оның жазбасына келіп түскен пікірлерде Якуббоев 2023 жылы Абу-Дабиде өткен турнирде индиялық гроссмейстер Дивья Дешмукхпен қол алысып тұрған суреттері жарияланды.

«Мен бұған дейін жасаған әрекеттерімді (Дивьямен 2023 жылғы партия және оған ұқсас жағдайлар) өзім үшін дұрыс деп санамаймын. Мен өзім қажет деп санаған әрекетті жасаймын. Мен қол ұстасуды немесе әйелдерге хиджаб немесе бурка киюді міндеттемеймін. Бұл әркімнің жеке ісі», -  деп жауап берді ол.

Шахматшы өзінің діни көзқарастары туралы арбитр мен қарсыласына ескертпегенінен, осындай жағдайға тап болғанын айтады.

Кейін Якуббоев Вайшалидан жеке кешірім сұрап, оған гүл шоқтарын сыйлады.

Вейк-ан-Зее 2025 турнирі, яғни Tata Steel Chess Tournament, 87-ші рет өткізіліп отырған әлемдегі ең көне турнирлерінің бірі, ол 1937 жылдан бері жыл сайын өткізіліп келеді.