Mudarabah қаржы пирамидасы: вайнер Шерниязов колониядан босап шықты

Қаржы пирамидасын құрды деген айыппен сотталған Мейірхан Шерниязов бостандыққа шықты, деп хабарлайды Orda.kz.

Актёр әрі вайнер Мейірхан Шерниязов жазасын өтеп, бостандыққа шықты. Оның жариялаған бейнежазбасында вайнердің түрмеден шыққан соң отбасымен кездескені көрінеді.

Еске сала кетейік, 2023 жылдың маусымында Мейіржан Төребаев пен Мейірхан Шерниязов қаржы пирамидасын ұйымдастырып, басқарғаны үшін кінәлі деп танылып, 814 миллион теңгеден астам шығын келтіргені үшін бес жылға бас бостандығынан айырылды. Сот үкімі 2024 жылдың 1 ақпанында күшіне енді.

«Азаматтық талаптың жалпы сомасы — 814,1 миллион теңге, сот шығындары — 8 миллион теңге», деп түсіндірді сот. 

Сот барлық жағдайларды және іс материалдарын зерттеп, жазаны жұмсартудан бас тарту туралы шешім қабылдаған еді.