«Мошенники» сериалының жұлдызы алаяқтықтың жаңа түрін айтып ескертті

Аталмыш «Мошенники» сериалының актёры Олжас Нұрбай алаяқтықтың жаңа түріне оның жары тап болғанын айтып, халыққа ескерту жасады, деп хабарлайды Orda.kz.

Бұл туралы ол өзінің Instagram парақшасына жариялады.

«Жақында менің әйелімнің есебінен ақша шешіле бастайды. Көп емес 2000 теңге, 3000 теңге, 4000 теңге... бастапқыда балалар бірдеңені басып жіберген шығар деп ойладық, сөйтсе қазіргі алаяқтар сенің картаң туралы ақпарат алып, Apple, Google, Open AI деген жалған атаулармен сенің ақшаңды шеше береді. 10 күн ішінде картадан 50-60 мыңдай ақша шешілді. Ал банк оларды қайтара алмайды», – деді актёр. 

Сөз соңында ол бұдан құтылудың өз нұсқасымен амалын айтып, халыққа ескерту жасады. Банк қызметкерлері де үнсіз қалмай, бұған жауап қатты.

«Карта деректері бұрын төлем жасалған сайттардың бірінде алаяқтарға белгілі болуы мүмкін. Сондықтан олар сатып алуға әрекет жасап, клиенттерге ақша алу әрекеті туралы хабарламалар келеді», деп жазды банк өкілдері.

Банк қызметкерлерінің жазуынша, бұндай алаяқтықтан сақтану үшін тек қана интернеттегі төлемдерге қолжетімділікті жабу керек.

Оқи отырыңыз:

• Әділетхан Молдахан 10 күнге қамалды
• Алматыда АИТВ жұқтырған ер адам 13 жастағы қызды зорлағаны үшін өмір бойына сотталды
• Мейіржан Байғонысов президент әкімшілігінің инвестициялар және сауда бөлімінің меңгерушісі болды