«Миы шайқалды»: Таразда әскерге шақырылған жігіт көлікке басын ұрып, қарсылық көрсетті

Тараз қаласында әскерге шақырылған жас жігіт өзін көлікке күштеп отырғызуға қарсы шығып, басын әдейі көлікке ұрған сәті түсірілген видео әлеуметтік желіде тарады, деп хабарлайды Orda.kz.

Желіде жарияланған бейнекадрларда әскери киім киген екі адам белгісіз ер азаматты көлікке күштеп отырғызуға тырысып жатқан сәт көрінеді.

Жас жігіт көлікке отырғызуға қарсылық білдіріп, көліктің төбесін бірнеше рет басымен соқты. Осыдан кейін оны босатып жіберген.

Оқиға Тараз қаласына қарасты Красная Звезда ықшам ауданында болған. Жазба авторларының айтуынша, жігіттің басына зақым келген, миы шайқалды деген ақпарат бар.

Қазіргі таңда бұл жағдайға қатысты ресми органдар тарапынан ешқандай түсініктеме берілген жоқ.