Министрлік Android жүйесі бар қолданушыларға ескерту жасады

Ішкі істер министрлігі азаматтарға смартфондарға зиянды қосымшалар орнату арқылы жасалатын алаяқтық схемалар көбейгенін ескертті, деп хабарлайды Orda.kz.

Қаскөйлер Android жүйесіндегі құрылғыларға зиянды бағдарламаларды мессенджерлер мен әлеуметтік желілердегі фишингтік сілтемелер, жалған қосымшалар, фото немесе құжат ретінде жасырылған файлдар арқылы таратады. Сондай-ақ олар мемлекеттік орган, банктер немесе жеткізу қызметтері атынан хабарлама жіберіп, акция не ұтыс сылтауымен қосымша орнатуды сұрайды.

Мұндай бағдарлама орнатылған соң алаяқтар телефонға қашықтан қол жеткізіп, шоттағы қаражатты ұрлауы, онлайн-несие рәсімдеуі, жеке деректерді таратуы немесе құрылғыны бұғаттап, ақша талап етуі мүмкін.

«Күдік туындаған жағдайда интернетті дереу өшіріп, банкке хабарласып, құқық қорғау органдарына жүгініңіз», деп мәлімдеді ІІМ.

Еске сала кетейік, Қазақстанда абонент нөмірін бір оператордан екіншісіне көшіру тәртібі қайта қаралмақ. Жаңа жобаға сәйкес, SIM-карта алғаш қосылғаннан кейін 60 күн өтпесе, оператор нөмірді көшіруден бас тарта алады. Ал сұранысқа жауап беру уақыты 10 минутпен шектеледі. 

Оқи отырыңыз:

• Qarakesek атымен танылған рэперге сот үкімі шықты
• «Қар көшкіні жүруі мүмкін»: Синоптиктер алматылықтарға ескерту жасады