Министр тасқын кезіндегі суару маусымына дайындықты айтты

Су шаруашылығы және ирригация министрі су тасқыны алдағы суару жайлы айтты, деп хабарлайды Orda.kz порталы.

«Қазақстан бойынша «Қазсушар» филиалдары тасқын суын апатсыз өткізуді қамтамасыз етіп, алдағы суару маусымына дайындалып жатыр,"- деп мәлімдеді Су шаруашылығы және ирригация министрі Нұржан Нұржігітов сәуірдің 23 - інде.

Министрдің айтуынша, су тасқыны кезінде «Қазсушар» мекемесінің Солтүстік Қазақстан филиалының мамандары Сергеев су торабы жағалауын нығайту жұмысын жүргізген. 82 тоннадан астам кесек тас, 15 темірбетон плита, 25 темірбетон блоктары және басқа материалдар төселген.

Қазтал ауданында көктемгі тасқын суын апатсыз өткізу үшін «Қазсушардың» Батыс Қазақстан филиалы Үлкен Өзеніндегі уақытша топырақ бөгеттері ашылған. Нәтижесінде су  табиғи шабындықтарға жіберіліп, елдімекендерді су басу қаупі азайды.

Сонымен қатар, су тасқынының екінші толқыны кезінде Орал-Көшім суару-суландыру жүйесінің 4 су қоймасына су жиналып жатыр. Қазір онда 200 миллион текше метрден астам су жиналды, бұл жалпы көлемнің 84 пайызы. «Қазсушар» мамандары Ресей Федерациясының Орынбор және Саратов облыстарының су қызметтерімен үнемі ақпарат алмасуда,» - дейді министр.