Михаил Шайдоров пен командасын дайындауға 263 миллион теңге жұмсалды 

Спорт министрлігі мәнерлеп сырғанаушы Михаил Шайдоровты дайындауға кеткен шығындарды жария етті. Қаражат оқу-жаттығу жиындарына, мамандардың жалақысына және халықаралық жарыстарға қатысуға жұмсалған, деп хабарлайды  Orda.kz.      

Министрлік мәліметінше, Олимпиадаға дайындық кешенді жоспар негізінде ұйымдастырылған. Қаржыландыру Қазақстандағы және шетелдегі оқу-жаттығу жиындарын, жарыстарға қатысу, спортшылар мен жаттықтырушылардың еңбекақысы, медициналық және ғылыми сүйемел, спорттық киім-кешекпен қамтамасыз ету, бағдарлама қоюды және психологиялық қолдауды қамтиды. Тек 2025 жылдың өзінде Шайдоров пен оның жаттықтырушылар штабына 263,3 млн теңге бөлінген.

Атап айтқанда, спортшының өзі мен оның 19 оқу-жаттығу жиынына (сегізі Қазақстанда, 11-і шетелде) 47 млн теңге бөлінген. Бұдан бөлек, бес халықаралық жарысқа қатысуға 16 млн теңге жұмсалған.

Шайдоровтың бір жылдағы жалақысы 33,9 млн теңге болған.

Оқи отырыңыз:

• Михаил Шайдоров Олимпиада-2026 гала-шоуында өнер көрсетеді
• Олимпиада-2026: Софья Самоделкина қысқа бағдарламада жеке рекордын жаңартты
• Рамазан-2026: 19 ақпанда қасиетті Рамазан айы басталды