«Мешіт пен медреседен ақша жинаған»: Діни қызметкер алаяқтық жасағаны үшін ұсталды

Қырғызстанда Ош қаласының имамы алаяқтық жасады деген күдікпен ұсталды, деп хабарлайды Orda.kz. 

Қазыят (мүфтияттың аумақтық бөлімшесі) басшысы Мирланбек Тоқтомушев «алаяқтық жасады» деген күдікпен ұсталды. Тоқтомушев пен Ош қаласындағы басқа да діни қызметкерлер мешіттер мен медресе қызметкерлерінен жүйелі түрде заңсыз ақша алып отырған. Сот санкциясымен қазыяттың төрт қызметкері мен Мирланбек Тоқтомушевтің үйі мен жұмыс орнына тінту жүргізілді. Тінту нәтижесінде заңсыз ақша жиналғаны анықталды. 

Кейін Ош қалалық сотының шешімімен Тоқтомушев үй қамаққа алынды. Мирланбек Тоқтомушев Ош қаласының қазысы қызметінен босатылды. Бұл туралы Қырғызстан мұсылмандары діни басқармасы хабарлады. Ош қаласы қазыятының жаңа басшысы болып Самидин Атабаев тағайындалды. 

Бұрынғы қазыға «қызметтік жағдайды пайдалана отырып, елеулі мөлшерде жасалған алаяқтық» бабы бойынша қылмыстық іс қозғалды.

Айта кетейік, Қазақстанның Қызылорда қаласында да бір имамның тексеруден қашу үшін 1 млн пара бергені белгілі болған еді.