Мемлекеттік тілді білмейтін шенеуніктерге айыппұл салынады

Қырғызстанда мемлекеттік тілде сөйлей алмайтын шенеуніктер айыппұл төлеуі мүмкін, деп хабарлайды Orda.kz.

2024 жылғы 14 сәуірде Қырғызстанда Жогоркы Кенештің әлеуметтік саясат жөніндегі комитеті отырысында Мемлекеттік тіл жөніндегі мемлекеттік комиссия ұсынған түзетулер топтамасы қаралады. 

Мемлекеттік тіл туралы Конституциялық заңға бірнеше өзгерту ұсынылды. Бірқатар мамандар үшін қырғыз тілін білу міндетті болуы тиіс:

• жергілікті кеңеш депутаттары;
• нотариустар;
• адвокаттар;
• судьялар;
• прокурорлар;
• тергеушілер және басқалар.

Тілді меңгеру деңгейін министрлер кабинеті анықтайтын болады, ал бақылау құралы ретінде «Қырғызтест» қолданылуы ұсынылған. Сонымен қатар, заң жобасында мемлекеттік тіл туралы заңнаманы сақтамағаны үшін айыппұл салу нормасы да қарастырылған. 

«Тілді айыппұл арқылы үйрету тәсілі дұрыс емес. Бұл пайдасыз және адамдарды ашуландырады. Тілді ынтамен, сүйіспеншілікпен үйрену әлдеқайда жақсы», — деді депутат.

Қырғызстандағыдай қазақ қоғамында тіл мәселесінің орны ерекше. Тіл туралы биік, елдің ең жоғары мінберлерінен де, әр отбасының төрінен де базына азаяр емес.

Еске сала кетсек, 2017 жылы Назарбаевтың кезінде жария етілген мемлекеттік тілдің кең ауқымды реформасы әлі күнге дейін өз мәресіне жетпеді. Осы мәселе бойынша  Orda.kz тілшісі латын әліпбиін жасаған комиссияның жетекшісі Ерден Қажыбекке және ҚР ғылым және жоғары білім министрлігіне хабарласып көптің көкейінде жүрген сауалды қойып, жан-жақты саралаған еді.