Мемлекеттік кеңесші лауазымы жойылады, екі ай ішінде президент сайлауы өткізіледі

Бүгінгі Қызылордада өтіп жатқан Құрылтайда президент өкілеттігі мерзімінен бұрын тоқтатылса сайлау екі ай ішінде өткізілетіні, сонымен қатар  вице-президент лауазымы енгізілетіні белгілі болды, деп хабарлайды Orda.kz.       

Қасым-Жомарт Тоқаев Мемлекет басшысының өкілеттігі мерзімінен бұрын тоқтатылған жағдайда кезектен тыс президенттік сайлау екі айдың ішінде өтетінін мәлімдеді. 

Сонымен қатар, Қазақстанда жаңа мемлекеттік лауазым - вице-президент пайда болады.

Бұл туралы ел президенті Қасым-Жомарт Тоқаев бүгінгі Құрылтайда мәлімдеді.

«Әңгіме вице-президент институтын құру туралы болып отыр. Оның өкілеттік аясын мемлекет басшысы өзі белгілейді. Вице-президент президенттің тапсырмасы бойынша халықаралық форумдарда және шет мемлекеттер делегацияларымен келіссөздерде Қазақстан Республикасының мүддесін білдіреді, парламентте президенттің мүддесін білдіреді, отандық және бірлескен қоғамдық-саяси, ғылыми және мәдени-ағарту ұйымдарымен өзара іс-қимыл жасайды, президенттің басқа да тапсырмаларын орындайды деп болжануда», - деді Тоқаев.

Вице-президенттің қызметтік лауазымына қатысты негізгі ережелер Конституция мәтінінде көрсетілген.

Сондай-ақ, ол мемлекеттік кеңесші лауазымы жойылатынын  атап өтті. Осы тұста Тоқаев мемлекеттік кеңесші қызметін атқарып жүрген Ерлан Қаринге назар салды.

Аталған лауазымды тарату туралы шешімді жариялау барысында Қасым-Жомарт Тоқаев Ерлан Қаринге қарап:

«I am really sorry» («маған шынымен өте өкінішті»), — деді. 

Еске салсақ, Қазақстан Республикасының Ұлттық құрылтайында  президент Қасым-Жомарт Тоқаев жаңа ораған -  Халықтық кеңестің құрылғанын мәлімдеді. Кеңес Қазақстан халқы Ассамблеясы мен ұлттық Құрылтайдың міндеттерін  өзіне алады. Құрамына 126 адам кіреді. Төрағаларды президенттің өзі тағайындайды.