Мемлекеттен 1,5 миллионға жуық қаржы тегін беріледі

ҚР Еңбек және халықты әлеуметтік қорғау министрлігі 2024 жылғы 10 мамырда бизнес-идеяларды жүзеге асыруға арналған гранттарға өтінімдерді қабылдаудың басталғанын жариялады, деп хабарлайды Orda.kz.       

Жаңа бизнес-идеяларды жүзеге асыруға арналған гранттардың бірінші легі бойынша өтінімдерді қабылдау 20 мамырда басталады.

Еңбек министрлігі гранттық қаражат жаңадан бастаған кәсіпкерлерге бизнес әлеуетін ашуға, өндірісті құруға және дамытуға, сол арқылы өздерін тұрақты табыспен қамтамасыз етуге мүмкіндік беретінін атап өтті.

Өтініш беру үшін:

• порталда тіркелу;

• грант алу шарттарына сәйкестігін тексеруден өту;

• бизнес-жоспар үлгісін жүктеп алу, оны толтыру және порталға жүктеу;

• өтініш формасын толтыру және ЭЦҚ кілтімен қол қою қажет.

Интернетке немесе компьютерге қолжетімділік болмаған жағдайда, мансап орталықтары мен халыққа қызмет көрсету орталықтарының өзіне-өзі қызмет көрсету аймақтарына өтініш беруге болады.

Еңбек министрлігі грант алу үшін бірқатар шарттарды орындау керектігін баса айтты. 

Жаңа бизнес-идеяны жүзеге асыруға грант алуға үміткерлер: 

• тіркелген жұмыссыздар;

• жеке кәсіпкерлер (тіркеу мерзімі үш жылға дейін).

Бұл жағдайда өтініш беруші келесі әлеуметтік санаттардың біріне жатуы тиіс:• мүгедектер;

• ағымдағы «қандас» мәртебесі бар тұлғалар;

• аймақаралық мигранттар;

• аз қамтылған отбасы мүшелері;

• көп балалы отбасының мүшесі (жұбайы);

• мүгедек баланы (зайыбын) тәрбиелеп отырған адам;

• асыраушысынан айырылу бойынша жәрдемақы алушылар.