Мемлекет басшысы Болгария президентін Азат ету күнімен құттықтады

Қасым-Жомарт Тоқаев Болгария президенті Илияна Йотова ханымды Болгарияның ұлттық мерекесі – Азат ету күнімен құттықтады, деп хабарлайды Orda.kz Ақордаға сілтеп. 

Қазақстан президенті жеделхатында Болгарияны Еуропалық Одақтағы еліміздің маңызды әрі сенімді серіктестерінің бірі ретінде атап өтті. Сондай-ақ екі ел арасындағы саяси диалогтың, экономикалық байланыстардың және мәдени-гуманитарлық ықпалдастықтың кезең-кезеңімен дамып келе жатқанын ерекше айтты.

Мемлекет басшысы қазақ-болгар ынтымақтастығы бірлескен күш-жігердің арқасында алдағы уақытта да дәйекті түрде нығая беретініне сенім білдірді.

Қасым-Жомарт Тоқаев Илияна Йотоваға жауапты мемлекеттік қызметінде табыс, ал Болгария халқына өсіп-өркендеу мен бақ-береке тіледі.

Оқи отырыңыз: 

• 3 және 4 наурыз күндері Сауд Арабиясынан Қазақстанға алғашқы эвакуациялық рейстер болады
• Нетаньяхудың тағдыры әзірге белгісіз: Ислам революциясы сақшылар корпусы  таратқан мәлімдемелер шындыққа жанаспай жатыр
• Bulgaria Open-2026: Спортшыларымыз елге 11 медаль әкелді