«Медеу» спорт кешенінің ашылғанына 52 жыл толды

1972 жылы 28 желтоқсанда Қазақ КСР астанасы Алматының алып тауларында «рекордтар фабрикасы» ашылғаны мәлімделді, деп хабарлайды Orda.kz.

«Медеу» спорт кешенін Іле Алатауының інжу-маржаны және рекордтар алаңы деп атайды. 1972 жылы 28 желтоқсанда Медеудің салтанатты ашылуы болды.

Аты аңызға айналған «Медеу» мұз айдыны кешені –  теңіз деңгейінен 1691 метр биіктікте орналасқан 10 500 шаршы метрлік ашық алаңдағы ең биік стадион. Сол кездің өзінде-ақ мұз айдынының астына 170 шақырымдық салқындату құбырлары төселді.

Бұл мұз айдынын жылына 8 ай, ал коньки тебу жолын жыл бойы сақтауға мүмкіндік берді. Соңғы 20 жылда конькишілер бірегей Медеу мұз айдынында 200-ге жуық әлемдік рекорд орнатылды.

Бастапқыда «спорттық рекордтар алаңының» құрылысы 1949 жылдың күзінде басталып, алғашқы ресми Бүкілодақтық жарыстар 1951 жылдың 4-5 ақпаны аралығында өтті. 1951-1970 жылдар аралығында болашақ спорт кешенінің орнында табиғи мұз айдыны жұмыс істеді.

1982 жылы Қазақ КСР Министрлер Кеңесінің 1982 жылғы 26 қаңтардағы № 38 қаулысымен сәулет ескерткіші ретінде Қазақ КСР-нің республикалық маңызы бар тарих және мәдениет ескерткіштерінің мемлекеттік тізіміне енгізілді.

2008 жылдан бастап қала құрылысы және сәулет ескерткіші ретінде Қазақстан Республикасының республикалық маңызы бар тарих және мәдениет ескерткіштерінің мемлекеттік тізіміне енгізілген.

«Медеу» мұз айдыны бүгінде әлемге танылған бірден бір таудағы спорт кешені.