Мәжіліс депутаты зейнетақы жинақтарын Эйр Астана акцияларына салуға қарсы

Мәжіліс депутаты Мұрат Әбенов зейнетақы жинақтарын Эйр Астана акцияларына салуға қарсы болды, деп хабарлайды Orda.kz.

«Мен шығу тегі күмәнді авиакомпанияның қаржымды басқарғанын қаламаймын. Оның үстіне Питер Фостер басшылыққа келгелі, бүкіл билік қолында тұрса да  қазақстандықтардың мүддесін ойлайтын басшы бейнесін қалыптастырмады. Ал мен оларға зейнетақы жинақтарымды қалай сеніп тапсырамын?! Мен ғана емсе, дәл осылай ойлайтын бірнеше жүз мың адам бар»,  дейді депутат Мұрат Әбенов.

Бұған дейін ел-жұрт жинақталған зейнетақы қаражатының 25 миллиард теңгеге жуық бөлігі «Эйр Астана» акцияларына жұмсалғанын естіп, білді.

Депутат IPO акцияларын сатып алатындар компанияға, меншік иелеріне, қаржылық ағындарға алдын ала қызығушылық танытуы қажет екенін атап өтті. Оның айтуынша, адам өзі барлық тәуекелді өлшеп, дұрыс шешім қабылдауы керек.

«Қазақстанның миллиондаған азаматтары үшін шешімді кім қабылдады? Неліктен БЖЗҚ басшылығы да, Ұлттық банк те, ең алдымен, біздің азаматтар аз білетін компания туралы мағлұмат  бермеді? Питер Фостер кімнің мүддесін қорғайды? Оның Назарбаевпен қарым-қатынасы қандай? Бұл күмәнді істің артында кім тұр? Өйткені, мемлекет қазірдің өзінде «Самұрық-Қазына» арқылы акциялардың жартысына жуығын иеленіп отыр, сондықтан бізде кез келген кірістің жартысы бар. Біз не ұтамыз? Жұртшылықтың хабарлауынша, тіпті әуе ұшақтар паркі де авиакомпанияға жатпайды және жалға алынған. Сонда не сатып алдық? Осылайша, Жаңа Қазақстанда Қазақстан азаматтарының ақшасы шетелге шығарылуы мүмкін бе? Бұл сатып алуда біздің жинақ үшін қандай қауіп бар? Бұл шешімді кім қабылдады? зейнетақы қорынан Әзірбайжандағы банкке салынған бірыңғай зейнетақы ақшасы сияқты ақшамыз тиісті табыс әкелмей, жоғалып кетсе, кім жауап береді?»,  деп сұрақ қойды депутат.

Мұрат Әбенов енді мұндай шешімдерді кім қабылдағанын, процедуралардың қаншалықты ашық сақталғанын және заң бұзушылықтардың болған-болмағанын зерделеу керектігін атап өтті.